НИТХ-ын 11-р хуралдаан дахин хойшиллоо

Нийслэлийн Иргэдийн төлөөлөгчдийн хурал өнөөдөр хуралдаж даргаа сонгох учиртай байсан ч дахин долоо хоногоор хойшилоо.НИТХ-ын даргаар ажиллаж байсан Ц.Сандуй улс төрийн хариуцлага хүлээж албаа шилжүүлэх болсон тул НИТХ дахь МАН-ынхан шинэ даргын эрэлд гарсан билээ.Намын бүлгээс Д.Баярсайханы нэрийг шинэ даргад дэвшүүлсэн бол хурлын танхимаас НИТХ-ын төлөөлөгч С.Амарсайхан нэр дэвшсэн.Хоёр нэр дэвшигчийн саналын тоо тэнцэж,АН-ын бүлэг цагаан хуудсаар санал хураалтад оролцсон тул НИТХ-ын 11-р хуралдаанаас МАН-ын бүлэг завсарлага аваад байсан юм.Өнөөдрийн тухайд МАН-ын бүлэг мөн л нэгдсэн байр суурьт хүрч чадаагүй,дахин санал хураалт уу ,дахин нэр дэвшилт үү гэдэг дээрээ маргаантай байгаа тул завсарлага авч буйгаа бүлгийн дарга С.Мөнхчулуун мэдэгдсн байна.