Хөдөлмөрийн баатар О.Гүндэгмаа Монгол улсын дээд амжилтыг шинэчиллээ

Тайландын Бангкок хотод зохиогдож байгаа буудлага спортын "Дэлхийн цом"-ын тэмцээн өнөөдөр 10 метрийн хийн гар бууны дасгалаар үргэлжиллээ. Эмэгтэй дасгалд нийт 39 тамирчнаас Монгол улсын хөдөлмөрийн баатар, гавьяат тамирчин О.Гүндэгмаа 392 оноогоор Монгол улсын дээд амжилтыг шинэчлэн шигшээ буудлагад 1-р байраар шалгарсан. Финалд О.Гүндэгмаа 116,4 оноо авч 6-р байр эзэлсэн бол ОУХМ Ц.Мөнхзул 377 оноогоор 17-р байрт шалгарчээ. Мөн энэ өдөр 50 метрийн 3-н байрлалаас 60 сум буудах эмэгтэй дасгалд нийт 48 тамирчин оролцсоноос ОУХМ Г.Нандинзаяа 571 оноогоор 15-р байр эзэлжээ.

Хөдөлмөрийн баатар О.Гүндэгмаа 25 метрийн спорт гар бууны дасгалд 588 оноогоор финалд шалгарч, хүрэл медаль хүртээд байгаа билээ.