Spectre кинонд ашигласан автомашин өндөр үнээр зарагдлаа

Алдарт Жеймс Бондын цувралуудтай холбоотой дуулиан шуугиан тасрахгүй байна. Саяхан тус цувралын хамгийн отгон анги болох “Спектр”-т ашиглагдсан автомашин дуудлага худалдаанд орж, асар өндөр үнэд хүрсэн байна. “DB 10”хэмээх тансаг зэрэглэлийн загвар 3,4 сая ам.доллараар үнэлэгдэж, олон хүнийг гайхшрууллаа. Дуудлага худалдааг зохион байгуулагчид автомашиныг дээд тал нь 2 сая ам.доллараар л зарагдана хэмээн үзэж байжээ. Гэвч энэ хүлээлтийг давсан үнээр “DB 10”загвар худалдаалагдаж, дээд амжилт тогтоолоо.

АР агентлагийн дамжуулснаар дуудлага худалдаанаас олсон бүхий л ашгийг хүмүүнлэгийн байгууллагуудад хандивлах юм байна. Энэхүү автомашинаас гадна цуврал бүтээлд ашиглагдсан үнэт эдлэлүүд мөн хувцас, цаг ч дуудлага худалдаагаар борлуулагдах юм байна.

Үүнээс олсон ашгийг мөн л сайн үйлсэд зарцуулах юм.