Танилцуулга

1992 он  - Монгол орны амьдрал бүхэлдээ өөрчлөгдөн шинэчлэгдсэн түүхэн жил. Нийгэм эдийн засгийн олон харилцаа, шинэ байгууллага, шинэ үйлдвэрлэл, шинэ үйлчилгээ үүсч бий болсон тэр цаг үед монголын телевизийн түүхэнд өрсөлдөөнийг бий болгон, хоёр дахь бие даасан телевиз төрөн гарсан нь UBS телевиз юм.

Өдгөө UBS телевиз нь Монгол даяар төдийгүй интернэтээр дэлхийн өнцөг булан бүрт цацагдаж буй 3 сувгаараа дамжуулан телевиз үзэгчдэд улс орон, дэлхий дахины үйл явдлыг харуулах цонх нь болж байна. Бид үзэгчдийг танин мэдүүлэх, соён гэгээрүүлэх үүргийнхээ дагуу сонирхолтой нэвтрүүлэг төсөл хөтөлбөрүүдийг санаачлан амжилттай хэрэгжүүлж салбартаа тэргүүлэгч телевиз болохоо нотлоод байна.

Программын шинэлэг, далайцтай бодлого, баялаг урын сан, туршлагатай, мэргэшсэн мэргэжлийн боловсон хүчин, сүүлийн үеийн дэвшилтэт тоног төхөөрөмж, эдийн засаг, санхүүгийн бат найдвартай байдал, зориулалтын байр, байнгын үзэгчид, ажилчдын нийгмийн хангамж зэрэг бүхий л тал дээр бүрэн бэлтгэгдсэн манай телевизийг харилцагч хамтран ажилладаг байгууллага хамт олон “МЭРГЭЖЛИЙН ТЕЛЕВИЗ” хэмээн дүгнэдэг.

Шинэ санаа шилдэг бүтээл, өвөрмөц шийдэл өнгө төрхөөрөө бусдаас онцгойрч, монгол ухаан дэлхийн соёлыг түмэндээ түгээсэн, хүнээ дээдэлж харилцагчидаа хүндэлсэн, шударга тэнцвэртэй мэргэжлийн телевиз байх нь бидний эрхэм зорилго.